JE YAWEZEKANA KWA MWANAUME KUPATA DEPRESSION ?

Mwanaume hutambulika kama shujaa katika uso wa jamii. Hutegemewa kuonyesha ujasiri wakati wote na hata kuficha hisia za ndani ili asiwe pungufu katika jamii inayomzunguka.Ripoti ya utafiti uliofanywa na taasisi ya Kitaifa ya Afya ya Kiakili nchini Marekani 'NIMH', imedhihirisha kuwa wanaume wengi huficha hisia zao za ndani kitu ambacho ni tofauti kubwa na wanawake. Utafiti huo ulioanza 2003, umesema kuwa zaidi ya wanaume millioni sita hupata hisia sugu za huzuni au Depression kila mwaka.

Depression ni hali ya hisia sugu za huzuni wenye uwezo wa kudhoofisha afya ya kisaikolojia unaombatana na dalili zifuatazo ;

Msongo wa mawazo
Kukata tamaa au kupoteza matumaini
Ugumu wa kushiriki shughuli za kila siku kama usafi wa mwili,mavazi na mazingira,
Ukosefu wa usingizi
Hasira za ghafla
Kutoshiriki mazungumzo au eneo lenye watu
Kupoteza ladha ya chakula au ongezeko la mlo

BAADHI YA DALILI ZA DEPRESSION KWA WANAUME

Hasira
Ugumu wa kushiriki tendo la ndoa
Ugumu wa kupata usingizi
Maumivu ya mara kwa mara ya kichwa au mgongo
Ongezeko la matendo yenye kuhatarisha usalama kama; pombe, wapenzi wa kubadili ghafla na bila uangalifu
Uwendeshaji gari wa fujo na usiokuwa wa makini tofauti na kawaida
Hata kukata tamaa ya kuishi

NINI KINASABABISHA HISIA SUGU ZA HUZUNI/DEPRESSION

Ugumu wa maisha
Kutofikia malengo ya maisha
Kupoteza kazi
Kupoteza mwenza
Ukosefu wa nyanja za kukabilina na changamoto au mabadiliko
Magojwa
Kifo
Baadhi ya dawa
Kuvunjika kwa ndoa
Ukosefu wa usingizi mwororo
Utumiaji wa pombe
Ukosefu wa kikundi tegemezi (support system)
Historia ya kifamilia (predisposed factors)

BAADHI YA NJIA ZA KUPUNGUZA DEPRESSION

Mazoezi ya mwili
Mlo wenye virutubisho
Uwepo wa marafiki au jamii yenye kutegemeana
Kuzungumza kuhusu hisia za ndani na uwepo wa mwenye kuzijali
Kubadili mazingira
Dawa hupatikana kwa daktari kwa hali iliyo sugu na hasa yenye kutishia usalama

Mgojwa wa Depression huhitaji uwangalizi wa karibu na msaada

kutoka kwa familia. Chunguza kama kuna mipango ya kujidhuru na

pata msaada wa kitaalum mapema.

Shukrani;

http://www.apa.org/research/action/men.aspx

http://www.helpguide.org/mental/treatment_strategies_depression.htm

Image;stock-photo/worried_businessman.html

Comments

HUDUMA YA HARAKA KWA UPUNGUFU WA SUKARI MWILINI (HYPOGLYCEMIA)

0 Ubongo wa binadamu unahitaji sukari kwa mda wote ili kuwa na nguvu ya kufanya kazi . Sukari hii yategemewa kutoka kwenye mzunguko wa damu kwani ubongo hauna uwezo wa kuzalisha au kuhifadhi sukari ya kutosha matumizi ya baadaye. Kutokana na hitilafu ya kingosho(dysfunctional pancreas) wagowja wa kisukari huwa na hali ngumu ya kuweka sukari katika vipimo vinavyohitajikana hivyo mara nyingi sukari huwa juu (Hyperglycemia) au chini (Hypoglycemia) na huhitaji tiba. Hivyo basi ni muhimu sana kwa ndugu au rafiki wa karibu kujua machache ili kuwa msaada pale mpendwa wako anapojikuta katika hali ya kuishiwa sukari kwani inahitaji huduma ya haraka kuokoa maisha. DALILI ZA UPUNGIFU WA SUKARI MWILINI (Hypoglycemia) Kipimo cha sukari chini ya 70 mg/dL au 3.9 mmol/L chaweza hatarisha maisha ya mpendwa wako mwenye kisukari. ; Njaa kuumwa kwa kichwa Kutokwa kwa jasho kutikisika kwa mwili Hasira Mwili au ngozi baridi na nyevu K

UPUNGUFU WA POTASSIUM MWILINI, WAWEZA KUWA TISHIO KWA USALAMA WA MOYO !.

NDIZI HUSIFIKA KWA UTAJIRI WAKE WA MADINI YA POTASSIUM Potassium ni moja kati ya madini muhimu ya chumvi chumvi mwilini.Ikisaidiana na chumvu chumvi nyingine kama Calcium, Magnesium na Sodium. Potassium ni muhimu sana kwenye usimamiaji wa kiwango sahihi cha maji mwilini, utendaji wa cell na kikubwa zaidi uanzishaji wa mwendo ( conduction of electricity) katika misuli ya mwili yenye mwendo hiari na mwendo usio wa hiari. Hivyo, hupelekea mwamko katika mishipa ya moyo inayohusika na huwa ndio chanzo cha mapigo yanahusika na msukumo wa damu mwilini. ( generates heart bit) Mahitaji ya Potassium kwa mtu mzima ni kati ya milligram zisizopungua 3,500 ml. kwa siku kutoka kwenye lishe. Ili mwili wa binadamu uweze kuendelea na utendaji wake, potassium iliyoko katika mzunguko wa damu yahitaji kuwa kati ya 3.5-5.0mEg/L. Kiwango hiki kikipopunguwa hutupelekea hali ijulikanayo kama; Hypokalemia au Upungufu wa Potassium katika damu. Vile vile kiwango hiki kinapozidia huitwa H

MATATIZO YA THYROID KWA WANAWAKE .

Thyroid ni mojawapo ya tezi zilizo mwilini zinazozalisha homoni (hormones) zake ndani ya mwili na kutumika kwenye mfumo wa damu. Miongoni mwa kazi za homoni ya thyroid ni kusimamia utendaji wa shughuli mwilini kama mwendo wa mapigo ya moyo,( heart rate), usagaji wa chakula (digestion) ,mwendo na utendaji wa metaboli (metabolism) na kusimamia matumizi ya calorie mwilini. Ili tezi ya thyroid iweze kufanya kazi yake ya uzalishaji homoni huitaji madini ya Iodine.Madini hayo hupatikana katika vyakula vya mimea vilivyotoka kwenye udongo wenye virutubisho vya iodine ya kutosha, chumvi yenye iodine na vyakula vya baharini. Tezi ya thyroid inapozalisha homoni pungufu na kipimo kinachohitajika husababisha hali ijulikanayo kama “Hypothyrodism”. Tezi hii ikizalisha homoni kupita kipimo kinachohitajika mwilini huitwa “Hyperthyrodism” LEO NINAPENDA KUZUNGUMZA NANYI KUHUSU UGONJWA WA HYPOTHYRODISM Hypothyrodism ni ugojwa ambao huwapata wanawake zaidi kuliko

NesiWangu

Search This Blog